Կրքերի թեժացում կոալիցիայում

Փետրվարի 7-ին, կոալիցիոն կուսակցությունների ղեկավարների և ներկայացուցիչների մասնակցությամբ, հանդիպում է տեղի ունեցել հանրապետության նախագահ Սերժ Սարգսյանի մոտ. տեղեկացնում է «Ռեգնում» գործակալությունը։

Հանդիպման ընթացքում նախագահն առաջարկել է ստորագրել մտադրությունների հուշագիր, ըստ որի`կոալիցիոն կուսակցությունները պարտավորվում են պահպանել գործող քաղաքական կոալիցիան 2012 թ. խորհրդարանական ընտրություններին հաջորդող ժամանակաշրջանում ևս։

Նախաձեռնությունը ջերմորեն պաշտպանել է «Օրինաց Երկիր»-ի նախագահ Արթուր Բաղդասարյանը, մինչդեռ «Բարգավաճ Հայաստան» կուսակցության նախագահ Գագիկ Ծառուկյանը հավանություն չի տվել դրան։

Մեր տեղեկությունների համաձայն` նշված ձևաչափով հանդիպում չի եղել, սակայն հուշագրի նախագիծ է ուղարկվել կոալիցիոն կուսակցությունների նախագահներին` համաձայնեցման և հետագայում ստորագրելու համար։ «Բարգավաճ Հայաստանը», կարծես, տրամադրված չէ պաշտպանել նախաձեռնությունը: