ՀԱՅՈՑ ԱՇԽԱՐՀ. Կարող է դուրս գալ վերահսկողությունից

Եվրախորհրդի գլխավոր քարտուղար Թորբյուրն Յագլանդը հայտարարել Է, որ Ղարաբաղյան հակամարտության գոտու իրադրությունը կարող է դուրս գալ վերահսկողությունից: Եվրոպացի դիվանագետն իր կարծիքը հիմնավորել է զորքերի շփման գծում հրադադարի խախտման հաճախացած դեպքերով ու միջադեպերով:

«Վերջին ժամանակներս զորքերի շփման գծում տեղի ունեցող միջադեպերը, որոնք մարդկային կորուստների պատճառ են դառնում, կարող են հանգեցնել վատթարագույն հետեւանքների: Այնքան ժամանակ, քանի դեռ հակամարտությունը կարգավորված չէ, տարածաշրջանում կպահպանվի պատերազմի վերսկսման վտանգը: Ադրբեջանը եւ Հայաստանը, դառնալով Եվրախորհրդի անդամներ, հակամարտության խաղաղ լուծման պարտավորություն են ստանձնել: Հուսով եմ, որ իրադրությունը մինչեւ այդ աստիճանի չի սրվի»,- նշել է Յագլանդը: