ԱՊՊԱ-ն ստուգելու համար մեքենաները չեն կանգնեցվելու

ԱՊՊԱ չունենալը հայտնաբերելու համար ճանապարհային ոստիկանությունը չի կարող առանձին ստուգումներ իրականացնել: Ինչպես այսօր հրավիրված մամլո ասուլիսի ժամանակ ասաց Ճանապարհային ոստիկանության Ճանապարհապարեկային ծառայության բաժնի պետ Նորիկ Սարգսյանը, ԱՊՊԱ-ն առանձին ստուգելու համար մեքենաներ չեն կանգնեցվում, ԱՊՊԱ-ի առկայությունը մյուս փաստաթղթերի հետ մեկտեղ ստուգվում է միայն այն դեպքում, եթե տվյալ վարորդը ճանապարհատրանսպորտային որեւէ խախտում է կատարել եւ կանգնեցվել տեսուչի կողմից: Նորիկ Սարգսյանի խոսքով, եթե ամեն անգամ ԱՊՊԱ-ն ստուգելու համար կանգնեցվեին մեքենաները, ապա խառնաշփոթ կառաջանա:

Թե երկու օրվա ընթացքում ԱՊՊԱ չունեցող քանի վարորդ է տուգանվել, Նորիկ Սարգսյանը չկարողացավ հայտնել, նրա խոսքով, այս տվյալները ստացվում են ամսվա կտրվածքով: