ՀԺԿ առաջնորդը` նախագահի ելույթի մասին

ՀԺԿ  նախագահ Ստեփան Դեմիրճյանը մեկնաբանելով ՀՀԿ 20 ամյակի առթիվ ունեցած ելույթը` այն ուշացած քայլ համարեց եւ ասաց, որ դրանով իշխանությունները փորձում են իմիջը փոխել եւ համակրանք շահել:  «Կադրային փոփոխություններով էական լուծումների հասնել հնարավոր չէ: Էական փոփոխության կարելի է հասնել երկրում նորմալ ընտրություններ անցկացնելու միջոցով: Այ սա ռեալ քայլ կլինի»,- մի քանի անգամ կրկնեց նա:

Անդրադառնալով թիկնապահների մասին նախագահի ասածին` Դեմիրճյանն ասաց. « Ի՞նչ է նշանակում հիմա խոսել թիկնապահների շքահանդեսի մասին: Վաղուց արդեն այդ այլանդակ երևույթը ուղղակի նողկանք է առաջացնում հասարակության մեջ: Եվ ովքե՞ր են այդ շքահանդեսն իրականացնում։ Այդ նույն դահլիճում նստածների մեջ էին նրանք»,- ասաց Դեմիրճյանը: