Էբբի ռոուդն այժմ կարգավիճակ ունի

Բիթլզի հանրահայտ Էբբի ռոուդ անցումին «II աստիճանի» կարգավիճակ է տրվել, որը Անգլիայում աեմնատարածված պաշտպանված կարգավիճակն է և նշանակում է, որ շենքը կամ հուշարձանը ազգային կարևորություն և հատուկ հետաքրքրություն է իրենից ներկայացնում, տեղեկացնում է BBC-ն:

Անցումը իր տեսակի մեջ առաջինն է, որ ստացել է այս կարգավիճակը: Այն հայտնի է դարձել, երբ Բիթլզը Էբբի ռուուդ փողոցի վրա նկարվել է իր 1969 թ.-ի «Էբբի ռոուդ» ալբոմի շապիկի համար:

Սկզբնական «զեբրա անցումը», որտեղ Բիթլզը նկարվել է դեռ 30 տարի առաջ ճանապարհային երթևեկության պատճառներով մի քանի մետր տեղափոխվել է, և սկզբնական անցումից ոչինչ չի մնացել:

Սակայն Անգլիայի Տուրիզմի նախարար Ջեն Փենռոսն ասել է. «Լոնդոնի այս անցումը ամրոց կամ տաճար չէ, բայց ի շնորհիվ Բիթլզի և 1969 թ.-ի օգոստոս ամսին տեղի ունեցած 10 րոպեանուց ֆոտոսեսիայի այն արժանի մեր ժառանգության մաս կազմել»: