Ասանժի կողմնակիցները ջարդել են Շվեդիայի դատախազության կայքէջը

Երեկ, երբ շվեդական կողմը բողոքարկել է Ասանժին գրավի դիմաց ազատ արձակելու անգլիական դատարանի որոշումը, մի քանի րոպե անց Շվեդիայի դատախազության կայքէջի աշխատանքը խափանվել է:

Շվեդիայի դատախազության Aklagare.se կայքէջը երեկ 11 ժամ չի աշխատել: Սա «Anonymous» խմբի վերջին հարցակումն է: Խումբը վրեժ է լուծում բոլոր այն մարմիններից, ովքեր խոչընդոտում են WikiLeaks-ի գործունեությանը:

Խմբի անդամներից երեքին այս շաբաթ ձերբակալել են՝ ներառյալ երկու դանիացի դեռահասների: Իշխանությունները փորձում են գտնել և պատասխանատվության ենթարկել բոլոր նրանց, ովքեր կապ են ունեցել Visa-ի, MasterCard-ի և PayPal-ի կայքէջերի աշխատանքի խափանմանը: