Նախագահի ինքնասիրությունն արթնացել է երկու տարի անց

Հարավային Աֆրիկայի նախագահ Ջեյքոբ Զուման 700.000 ԱՄՆ դոլարի զրպարտության հայց է ներկայացրել ծաղրանկարիչ Ջոնաթան Շապիրոյի դեմ՝ նրա նկարած ծաղրանկարի համար, որտեղ Զուման պատկերված է տաբատը կիսաարձակված վիճակում՝ պատրաստ բռնաբարելու արդարությունը ներկայացնող աղջկան:

Ծաղրանկարը «Times» թերթում տպագրվել է 2008 թ.-ին՝ Ջեյքոբ Զումայի՝ բռնաբարման մեղադրանքներից ազատվելուց երկու տարի անց:

Զուման պահանջում է 570.000 ԱՄՆ դոլար ՝ իրեն նվաստացնելու և ցածրացնելու համար, և 140.000 ԱՄՆ դոլար՝ վարկաբեկելու համար:

Ջոնաթան Շապիրոն, ով իր նկարները «Zapiro» կեղծանմամբ է ստորագրում, լավագույն քաղաքական ծաղրանկարիչներից մեկն է: Նա ասել է, որ պաշտպանում է իր ծաղրանկարը և իր արտահայտած տեսակետը: