Ստեփանակերտի օդանավակայանը կբացվի մայիսին

Եթե ամիսներ առաջ Արցախի նախագահը դժգոհ էր Ստեփանակերտի օդանավակայանում կատարվող աշխատանքների տեմպերից, այսօր արդեն գոհ է, ինչի մասին օրերս նշել է նաեւ ՀՀ ԿԱ քաղաքացիական ավիացիայի գլխավոր վարչության պատվիրակության հետ հանդիպման ժամանակ, որի ընթացքում քննարկվել են օդանավակայանի վերագործարկման հետ կապված հարցեր:

 Նախագահը միայն ընդգծել է որակյալ կադրերի եւ մասնագետների պատրաստման ուղղությամբ աշխատանքների ակտիվացման անհրաժեշտության մասին:

 Օդանավակայանի աշխատանքերը կշարունակվեն նաեւ մյուս տարվա առաջին կեսում, ինչի համար, ԼՂՀ ԿԱ քաղաքացիական ավիացիայի վարչության պետ Դմիտրի Աթբաշյանի տեղեկացմամբ` պետբյուջեի նախագծով նախատեսվում է 210 մլն դրամ: Վարչության պետը օրերս Աժ-ում կայացած քննարկումների ժամանակ նշեց, որ օդանավակայանի բացումը նախատեսվում է 2011թ. մայիսին: