ԱԶԳ. Կարեն Մինասյանի բժշկական գյուտը

Վիեննայի համալսարանի Institute for Analysis on Scientific Computing բաժնի գիտաշխատող Կարեն Մինասյանի եւ իր գործընկեր Ուրսուլա Հոֆշթեսթրի բժշկական գյուտի շնորհիվ ողնածուծի վնասվածքով հիվանդները որոշակիորեն կարող են թեթեւացնել իրենց վիճակը:

Պատահարի հետեւանքով անդամալուծված մարդկանց ողնածուծը շարունակում է պարունակել նյարդային հանգույցներ, որոնց խթանումը հիվանդի մեջքին ամրացված էլեկտրասայրերի (էլեկտրոդ) միջոցով կարող է սրունքների շարժում առաջացնել: Սա հնարավոր է մետաղե էլեկտրասայրերի միջոցով կամ վիրահատությամբ տեղադրված ներպատվաստուկով:

Այս գյուտը բժշկական ամենօրյա պրակտիկայում կիրառելու համար անհրաժեշտ են լրացուցիչ փորձարկումներ, ինչը կիրագործվի ԱՄՆ Ատլանտայի Shepherd Center-ի համագործակցությամբ: