ԱՄՆ-ն թույլ չի տա Իրանին կրկին ականապատել Հորմուզի նեղուցը. Թրամփ

ԱՄՆ նախագահ Դոնալդ Թրամփը հայտարարել է, որ ամերիկյան զինվորականները թույլ չեն տա Իրանին կրկին ականապատել Հորմուզի նեղուցը։

Ինչպես տեղեկացնում է «Արմենպրես»-ը՝ այդ մասին Դոնալդ Թրամփը օգոստոսի 25-ին գրել է սոցցանցի TRUTH Social հարթակում։

«Իրանին տեղեկացրել են, որ ցանկացած նավ կամ նավակ, որը կրկին կզբաղվի ականների տեղադրմամբ, անհապաղ և համակարգված կոչնչացվի»,-գրել է Թրամփը։

Նա հավելել է, որ ԱՄՆ ռազմածովային ուժերի հրամանատարությունը հենց նոր իրեն հայտնել է նեղուցում բոլոր ականների ոչնչացման մասին: Թրամփը հայտարարել է, որ ԱՄՆ-ն տիեզերական հետախուզության միջոցների շնորհիվ կարող է հետևել Հորմուզի նեղուցի յուրաքանչյուր հատվածին: