Ընդդիմությունը վաղը կգնա դատարան՝ հաջակցություն Ամենայն հայոց կաթողիկոսի

Խորհրդարանական ընդդիմությունը վաղը կգնա Արմավիրի մարզի առաջին ատյանի ընդհանուր իրավասության դատարան՝ ի աջակցություն Ամենայն հայոց կաթողիկոս Գարեգին Բ–ի և եպիսկոպոսների։

ԱԺ «Ուժեղ Հայաստան» խմբակցության ղեկավար Նարեկ Կարապետյանն այսօր լրագրողների հետ զրույցում նշեց, որ Հայաստանի իշխանությունները խայտառակ ճնշման քայլ են անում, և պատմության մեջ նմանը չունեցող դեպք է արձանագրվելու:

«Վաղը մենք Ազգային ժողովում չենք լինի, մեր հայրենակիցների հետ կլինենք Վաղարշապատում՝ ժամը 16:00-ին, որպեսզի բոլորը տեսնեն՝ մեր կրոնական զգացմունքների հետ խաղալն ունենալու է հետևանքներ»,– ասաց Կարապետյանը։

«Հայաստան» խմբակցության ղեկավար Աննա Գրիգորյանն էլ լրագրողների հետ զրույցում հայտնեց, որ իրենց խմբակցությունը նույնպես մասնակցելու է Ամենայն Հայոց Կաթողիկոսի գործով նախատեսված դատական նիստին։