Կիևը խախտել է Զատկի հրադադարը. Զախարովա

Կիևը չի պահպանել Զատկի հրադադարը, որին ավելի վաղ համաձայնել էր Ուկրաինայի նախագահ Վլադիմիր Զելենսկին, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով ԱՄՆ Պետդեպարտամենտի հայտարարությունը, որում հույս են հայտնել, որ Զատիկից հետո Ռուսաստանի և Ուկրաինայի միջև հրադադարը կերկարաձգվի։

«Բայց այն Կիևի ռեժիմի կողմից չի պահպանվել նաև Զատիկի ժամանակ: Ընդ որում, հրադադարը խախտելու համար օգտագործվել է ամերիկյան HIMARS զենք», - գրել է դիվանագետը Telegram-ի իր ալիքում:

Զախարովան նշել է, որ սա ոչ թե պատահականություն է, այլ օրինաչափություն։

«Չէ որ վառելիքաէներգետիկ համալիրի վրա հարձակումների մորատորիումի ժամանակ Զելենսկին, ով համաձայնել էր դրան, թիրախավորված հարվածում էր քաղաքացիական էներգետիկ ենթակառուցվածքներին», - ընդգծել է ԱԳՆ պաշտոնական ներկայացուցիչը։

Հիշեցնենք՝ ՌԴ նախագահ Վլադիմիր Պուտինը Զատկի տոնակատարությունների ընթացքում հրադադար էր հայտարարել։ Հրադադարը սկսվել է ապրիլի 19-ին՝ ժամը 18:00-ից և տևել մինչև ապրիլի 21-ի կեսգիշերը։