ՈՒՂԻՂ. Սուրբ Աննա եկեղեցու բակում Բագրատ Սրբազանը հանդիպում է քաղաքացիների հետ

Սուրբ Աննա եկեղեցու բակում Բագրատ Սրբազանը հերթական անգամ հանդիպում է իր աջակիցների, երկրի ճակատագրով մտահոգ քաղաքացիների հետ:

Ըստ «Սրբազան պայքար» տելեգրամյան ալիքի՝ հավաքի ընթացքում քննարկվելու են հետևյալ թեմաները.

• Սույն թվականի հունիսի 12-ին տեղի ունեցած իրադարձությունների համատեքստում ՀՀ իրավապահ մարմինների պահվածքը, արձագանքը կամ դրա բացակայությունը, արձանագրված օրինաչափությունները և հետագա անելիքները

• Քաղաքական իրավիճակը տարածաշրջանում, Ադրբեջանի արտահերթ ընտրությունների օրակարգը, «Արևմտյան Ադրբեջան» թեմայի զարգացումը

Ինչպես նախորդ հավաքի ընթացքում ասել է Բագրատ Սրբազանը, մեր երկրի և ժողովրդի բոլոր կարևոր օրակարգերն այսուհետև քննարկվելու և ձևավորվելու են Սուրբ Աննա եկեղեցու բակում տեղի ունեցող հանդիպումների ընթացքում։

Հավաքը՝ Yerkir.am-ի ուղիղ հեռարձակմամբ: