կարևոր
1489 դիտում, 2 շաբաթ առաջ - 2024-04-03 12:07
Աշխարհ

«Կրոկուս»-ի ողբերգության հետևանքով 6 երեխա է զոհվել

«Կրոկուս»-ի ողբերգության հետևանքով 6 երեխա է զոհվել

«Կրոկուս»-ում տեղի ունեցած ահաբեկչության հետևանքով, վերջին տվյալներով, զոհվել է վեց երեխա, ևս հինգ վիրավոր երեխաներ մնում են հիվանդանոցում, չորեքշաբթի հայտնել է ՌԴ նախագահի՝ երեխաների իրավունքների հանձնակատար Մարիա Լվովա-Բելովան, փոխանցում է РИА Новости-ն։

Ավելի վաղ արտակարգ իրավիճակների ծառայության ներկայացուցիչը լրատվամիջոցին հայտնել էր, որ զոհվածների թվում հինգ երեխա է հայտնաբերվել։

«Ներկայումս տեղեկություններ ունենք վեց զոհված երեխաների և յոթ վիրավորների մասին։ Երկուսը բուժում են ստանում տնային պայմաններում, իսկ հինգը հիվանդանոցում են։ Երկուսը ծանր վիճակում են, երեքը՝ միջին ծանրության»,- լրագրողներին ասել է Լվովա-Բելովան

Նա ասաց, որ երեխաներն ապահովված են անհրաժեշտ ամեն ինչով։ Ընդհանուր իրավիճակը պահում է անձնական հսկողության տակ, պարբերաբար այցելում է երեխաներին, կապի մեջ է հիվանդանոցի բժիշկների հետ։