Ռուսաստանը Արցախի նախկին ղեկավարների ազատ արձակման հարցում օգնության խնդրանքներ չի ստացել. Զախարովա

«Դուք շփոթե՞լ եք հարցի հասցեատիրոջը»։ Ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան՝ պատասխանելով հարցին, թե արդյոք Մոսկվան ինչ-որ բան անո՞ւմ է Բաքվի կողմից գերեվարված ու կալանավորված Արցախի Հանրապետության նախկին նախագահներին, Ռուբեն Վարդանյանին և Արցախի մյուս պաշտոնյաներին ազատ արձակելու համար։

«Ձեր նշած քաղաքացիները Հայաստանի քաղաքացիներ են։ Նրանցից ոմանք հրաժարվել են Ռուսաստանի քաղաքացիությունից։ Ոմանք սկզբում ունեին միայն Հայաստանի քաղաքացիություն։ Այսօր ձեր նշած մարդկանցից ոչ մեկը Ռուսաստանի քաղաքացիություն չունի։ Մեզ ոչ ոք չի դիմել։ Պաշտոնական կամ ոչ պաշտոնական հարցումներ չեն եղել»,- ասել է Զախարովան։