կարևոր
2020 դիտում, 5 ամիս առաջ - 2023-09-06 16:31
Քաղաքական

Թշնամին կուտակումներ է անում, Փաշինյանը՝ կանխամտածված փլուզում մեր անվտանգային ճարտարապետությունը․ Թևանյան

Հայաստանի, Արցախի սահմանին թշնամու զորքի ու զենքի կուտակումների մասին հարցին «Մայր Հայաստան» դաշինքի առաջնորդ Անդրանիկ Թեւանյանը պատասխանեց՝ թշնամին պատրաստվում է ռազմական գործողությունների․ մենք ի՞նչ պետք է անենք՝ ներսում բանակի կազմակերպվածությունը, հանրային մոբիլիզացիայի խնդիրը լուծենք, եւ երկրորդ՝ մեր բնական դաշնակիցների՝ Իրանի, Ռուսաստանի հետ հարաբերությունները զարգացենք, նրանց հետ սինքրոնացված աշխատենք։

«Բայց ինչ է կատարվում․ Նիկոլ Փաշինյանը կանխամտածված փլուզում է մեր անվտանգային ճարտարապետության վերջին բեկորները․ այն, ինչ հիմա տեսնում ենք՝ այն դիվանագիտական պատերազմը, որը նախաձեռնել է Նիկոլ Փաշինյանը, ձեռնտու է միայն Թուրքիային ու Ադրբեջանին։ Եվ մենք կարծում ենք, որ սա միտումնավոր քայլ է, որն իր դրսի տերերի ձեռքին որպես խամաճիկ իրականացնում է Նիկոլ Փաշինյանը՝ շեշտակիորեն հարվածել Հայաստանի ու Արցախի անվտանգությանը»,-նշեց դաշինքի առաջնորդը։

Անդրանիկ Թեւանյանը եւս մեկ անգամ պնդեց, որ Հայաստանում միայն գործող իշխանության փոփոխությունը, բանակցողի փոփոխությունը, բանակցային տրամաբանության փոփոխությունը կարող է իրավիճակ փոխել։