Մոսկվայում այս պահին ընթանում է Միրզոյան-Բայրամով երկկողմ հանդիպումը

Մոսկվայում այս պահին ընթանում է Հայաստանի ու Ադրբեջանի արտգործնախարարների հանդիպումը։ Այդ մասին հայտնել է ՌԴ արտգործնախարար Սերգեյ Լավրովը՝ եռակողմ հանդիպումից հետո։

Նա նշել է, որ խաղաղության պայմանագրի ու եռակողմհանդիպման ընթացքում քննարկված հարցերի շուրջ այսօր հաջողվել է մոտեցնել կողմերի դիրքորոշումները։ «Հիմա սկսվել է Հայաստանի ու Ադրբեջանի արտաքին գործերի նախարարների երկկողմ հանդիպումը, որի արդյունքներով կտեղեկացնեն, ինչին են կարողացել հասնել»,- նշել է Լավրովը։

Նա նաեւ նկատել էր, որ գործընկերներն այսօր հաստատել են, որ առանց սահմանազատման, տրանսպորտային և տնտեսական հաղորդակցությունների ապաշրջափակման հարցերի լուծման, առանց Ղարաբաղում և հայ-ադրբեջանական սահմանին անվտանգության իրավիճակի ընդհանուր բարելավման, դժվար է առաջ շարժվել խաղաղության պայմանագրի կոնկրետ ասպեկտներով։