կարևոր
3871 դիտում, 1 տարի առաջ - 2023-01-06 16:09
Հասարակություն

Ադրբեջանցիները մարտական դիրքից կրակահերթ են արձակել Արցախի Մարտունու շրջանի Հացի գյուղի վարչական տարածքում աշխատող տրակտորիստի ուղղությամբ

Ադրբեջանցիները մարտական դիրքից կրակահերթ են արձակել Արցախի Մարտունու շրջանի Հացի գյուղի վարչական տարածքում աշխատող տրակտորիստի ուղղությամբ

Ադրբեջանական զինուժը Մարտունու շրջանում խախտել է հրադադարի պահպանման ռեժիմը, տեղեկացնում են Արցախի Հանրապետության Ներքին գործերի նախարարությունից։

«Հունվարի 6-ին, ժամը 13:35-ին, Մարտունու շրջանի Հացի գյուղի բնակիչ Ի. Աբրահամյանը ոստիկանություն է դիմել, որ ժամը 13:00-ի սահմաններում Հացի գյուղի վարչական տարածքի «Կաղնուն տակ» կոչվող տեղամասում իր կողմից շահագործվող «Բելառուս 82-1» տրակտորով գյուղատնտեսական աշխատանքներ կատարելիս, հարակից ադրբեջանական մարտական դիրքից հրաձգային զենքից կրակահերթ է արձակվել տրակտորի ուղղությամբ։

Գյուղատնտեսական աշխատանքը դադարեցվել է։

Ոստիկանության Մարտունու շրջանային բաժինը տվյալները փոխանցել է ռուս խաղաղապահներին»,- նշված է հաղորդագրությունում։