Խոշոր ավտովթար Երևանում. բախվել են Nissan Tiida-ն ու Nissan Qashqai-ը. 3 վիրավորներից մեկը երեխա է

Այսօր՝ ապրիլի 3-ին, խոշոր ավտովթար է տեղի ունեցել Երևանում:   Ժամը 19:15-ի սահմաններում, Հրաչյա Աճառյան - Ծարավ Աղբյուր փողոցների խաչմերուկում բախվել են Nissan Qashqai և Nissan Tiida մակնիշի ավտոմեքենաները:   

shamshyan.com-ի հաղորդմամբ վթարի հետևանքով 3 հոգի տեղափոխվել են Երևանի տարբեր հիվանդանոցներ:   Վիրավորներից մեկը երեխա է, ով հոսպիտալացվել է «Սբ. Աստվածամայր» բժշկական կենտրոն:   

Վիրավորներին առաջինը օգնության են հասել քաղաքացիները և օպերատիվ են գործել շտապօգնության բժիշկների հերթապահ խմբերը, ովքեր  մինչև հիվանդանոցներ տեղափոխելը տեղում առաջին բուժօգնությունն են ցուցաբերել վիրավորներին:   Բախման հետևանքով Nissan Qashqai-ը դուրս է եկել երթևեկելի գոտուց, հայտնվել մայթին՝ կոտրելով Բուսաբանական այգու տարածքի երկաթե ճաղավանդակը:   Բարեբախտաբար, ճաղավանդակի մոտ տեղադրված խոշոր տրամաչափի գազազախողովակը չի վնասվել, սակայն ստուգման նպատակով դեպքի վայր են ժամանել «Գազպրոմ Արմենիա» Երևանի ԳԳՄ-ի աշխատակիցները:  

Պարեկային ծառայությունը պարզում է վարորդների և վիրավորների ինքնությունը: