Արցախի օկուպացված շրջաններում տեղի ունեցած վթարի հետևանքով տուժած բանվորներից 11-ը Թուրքիայի քաղաքացիներ են

Ադրբեջանի առողջապահության նախարարությունը տեղեկություն է տարածել Ահմեդիբեյլի-Ֆիզուլի-Շուշի ճանապարհի շինարարությամբ զբաղվող Colin İnşaat Turizm Sənaye və Ticarət ենթակապալառու ընկերությանը պատկանող ծառայողական ավտոբուսի վթարի հետևանքով տուժածների վերաբերյալ։

Նախարարության տվյալներով՝ ժամանակավորապես օկուպացված Հադրութում վթարի հետևանքով 13 տուժած տեղափոխվել է Բաքվի առողջության կենտրոն։ Նշվում է, որ նրանցից 11-ը Թուրքիայի քաղաքացիներ են։

«Երկուսը բուժվում են վերակենդանացման բաժանմունքում, նրանց վիճակը գնահատվում է ծանր։ Մնացած իննի վիճակը գնահատվում է միջին ծանրության։ Հետազոտություններն ու բուժումը շարունակվում են»,- ասվում է տեղեկատվության մեջ։