Թուրքիայի և Ադրբեջանի բանակները համատեղ զորավարժություններ են անցկացնում Բաքվում

Թուրքիան և Ադրբեջանը համատեղ զորավարժություններ են անցկացնում Բաքվում, որոնց հիմնական նպատակը ռազմական գործողությունների ընթացքում երկու երկրների բանակների փոխգործակցության բարելավումն է: Այդ մասին տեղեկացնում է Ադրբեջանի պաշտպանության նախարարությունը:

«Ադրբեջանի և Թուրքիայի զինված ուժերի մասնակցությամբ զորավարժությունների հիմնական նպատակն է բարելավել ռազմական գործողությունների ընթացքում երկու երկրների բանակների փոխգործակցությունը, զարգացնել հրամանատարների հմտությունները ռազմական որոշումներ կայացնելու և ստորաբաժանումների ղեկավարման գործում»,–  ասվում է նախարարության հաղորդագրության մեջ:

Զորավարժությունները կտևեն մինչև սեպտեմբերի 12–ը։.