Սի Ցզինպինը շնորհավորել է Ասադին և հայտարարել, որ Չինաստանը օգնություն կտրամադրի Սիրիային

Չինաստանը հնարավոր բոլոր օգնությունները կտրամադրի Սիրիային՝ տնտեսությունը վերակենդանացնելու, բնակչության կյանքը բարելավելու, ինչպես նաև կորոնավիրուսային համաճարակի դեմ պայքարելու համար․ ըստ ՏԱՍՍ-ի՝ հայտարարել է Չինաստանի նախագահ Սի Ցզինպինը Սիրիայի նախագահ Բաշար ալ Ասադին ուղղված շնորհավորական հեռագրում՝ կապված նախագահական ընտրություններում հաղթանակի հետ:

«Չինաստանը վճռականորեն աջակցում է Սիրիային՝ պաշտպանելու նրա ինքնիշխանությունը, անկախությունը և տարածքային ամբողջականությունը, և հնարավոր բոլոր օգնությունները կտրամադրի Սիրիային կորոնավիրուսի համաճարակի դեմ պայքարում, երկրի տնտեսության աշխուժացման և ժողովրդի կյանքի բարելավման համար»,- ասվում է Չինաստանի կենտրոնական հեռուստատեսության կողմից հրապարակված հեռագրում։

Սի Ցզինպինը նշել է, որ ՉԺՀ-ն նաև «կնպաստի չին-սիրիական համագործակցության նոր մակարդակի առաջխաղացմանը»: