Շղթայական ավտովթար՝ Երևանում. բախվել են 2 Mercedes-ները, Kia-ն ու Renault-ը. կան վիրավորներ. Shamshyan.com

Մարտի 7-ին, խոշոր և շղթայական ավտովթար է տեղի ունեցել Երևանում: Ժամը 20:25-ի սահմաններում, Բագրատունյաց պողոտայում բախվել են Kia, 2 Mercedes և Renault Logan մակնիշի ավտոմեքենաները:

Ինչպես հայտնում է Shamshyan.com-ը, վթարի հետևանքով՝ ըստ դեպքի վայրում հավաքված քաղաքացիների, 5 հոգի բժշկական հետազոտման նպատակով տեղափոխվել են հիվանդանոցներ: Վիրավորներին առաջինը օգնության են հասել քաղաքացիները և ըստ դեպքի վայրում հավաքվածների, օպերատիվ են գործել Երևանի 1-03 շտապօգնության բժիշկների հերթապահ խմբերը և «Էրեբունի» բժշկական կենտրոնի բուժանձնակազմը:

Փրկարարները հոսանքազրկել են ավտոմեքենաներն ու փակել երկուսի գազաբալոնը: Ոստիկանությունը պարզում է վարորդների և վիրավորների ինքնությունը:

Ըստ նախնական տեղեկությունների, Mercedes-ներից մեկը ու Kia-ն ճանապարհի թույլատրելի հատվածում կայանված են եղել: 

Մանրամասները՝ սկզբնաղբյուրում: