Լեհ քաղաքական գործիչը հավաքել է ավելի քան հարյուր հազար ստորագրություն՝ պահանջելով Իլհամ Ալիևին դատել Հաագայում

Լեհ քաղաքական գործիչ Թոմաշ Լեխ Բուչեկը, որը ստորագրահավաք էր սկսել Հաագայում Ադրբեջանի նախագահ Իլհամ Ալիևին քրեական պատասխանատվության ենթարկելու համար, հավաքվել է 126 176 ստորագրություն:

Հունվարի 18-ին Բուչեկն իր ֆեյսբուքյան էջում հայտարարել է, որ պաշտոնապես ստորագրահավաքն ավարտվել է: Ստորագրությունները կփոխանցվեն որպես այն մարդկանց ձայն, որոնք ցանկանում են, որ Ադրբեջանը դատապարտվի միջազգային դատարանի կողմից:

«Շնորհակալություն բոլորին։ Այս ստորագրահավաքը մեկնարկել է 2020 թվականի սեպտեմբերի 27-ին, երբ Ադրբեջանը հարձակվեց Արցախի վրա», - գրել է Բուչեկը:

Նա նշել է, որ հավաքել է Արցախի հայ բնակչության դեմ Ադրբեջանի ռազմական հանցագործությունների մասին փաստերի A5 ֆորմատի 40 էջ, որոնք կհրապարակվեն 1000 և 2000 օրինակով՝ կախված հավաքված միջոցներից, և կուղարկվեն աշխարհի միջազգային կազմակերպություններին ու քաղաքական գործիչներին: Բացի այդ՝ բրոշյուրը կբաշխվի Հայաստանում`Բուչեկի այցի ընթացքում:

Լեհ քաղաքական գործիչը շեշտել է, որ իր աշխատանքը նվիրված է Ադրբեջանում գերեվարված ու խոշտանգված հայ ռազմագերիներին: «Ազատեք ռազմագերիներին»,- պահանջել է Բուչեկը: