Փոքրիկս, սորոսիկս, իմ յուրաքանչյուր ելույթ պատրաստված է՝ մինչև անգամ ստորակետը, ձեր հիմարությունը ցույց մի տվեք. Ա. Գրիգորյան

Պրոդյուսեր Արմեն Գրիգորյանը հրավիրվել է ՀՀ ոստիկանության Երևան քաղաքի վարչություն։ Այդ մասին հայտարարել է բժիշկ Գևորգ Գրիգորյանը, որն ուղեկցել է նրան: «Նոր տարի նոր ռեպրեսիաներ»,- գրել է բժիշկը: 

Պրոդյուսեր Արմեն Գրիգորյանը տեղեկացրել է, որ հրավիրվել է վարչություն ենթադրյալ բռնության կոչ կատարելու համար։ Դուրս գալուց հետո, նա մեկնաբանել է ոստիկանության հրավերքը.

«Պարզվում է ինչ-որ անհասկանալի պատգամավորուհի՝ Հերիքնազ մականունով, «գործ է տվել»՝ փորձելով մեղադրել ինձ բռնության կոչ կատարելու մեջ։

Փոքրիկս, սորոսիկս, իմ յուրաքանչյուր ելույթ պատրաստված է՝ մինչև անգամ ստորակետը, ձեր հիմարությունը ցույց մի տվեք, մենք առանց այդ էլ գիտենք»,- նշել է Արմեն Գրիգորյանը։

Նշենք, որ Հերիքնազ Տիգրանյանը ԱԺ «Իմ քայլը» խմբակցության պատգամավոր է։