Կրակոցներ՝ Վազգեն Սարգսյանի անվան ռազմական համալսարանի տարածքում. դեպքի վայրում հայտնաբերվել են 2 տասնյակից ավելի կրակված պարկուճներ

Դեկտեմբերի 7-ին կրակոցներ են հնչել Երևանում: Ժամը 17:40-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ Նոր Նորք վարչական շրջանի Վազգեն Սարգսյանի անվան ռազմական համալսարանի հարևանությամբ կրակոցներ են հնչել: Լուրը հայտնում է Shamshyan.com-ը։

Դեպքը տեղի է ունեցել Շոպրոնի փողոցում։ Ոստիկաններն ու քննիչները դեպք վայրում հայտնաբերել են ինքնաձիգից արձակված 2 տասնյակից ավել պարկուճներ և ատրճանակից կրակված պարկուճներ: Հայտնաբերվել են արնանման հետքեր, փայտե մահակ:

Կրակոցների արդյունքում վնասվածքի հետքեր են հայտնաբերվել նաև Վազգեն Սարգսյանի անվան ռազմական համալսարանի քարե պարսպի վրա: