Զոհվել են Արցախի ՊԲ հրամանատարի տեղակալ Արթուր Սարգսյանը և Արցախի հերոս Սերգեյ Շաքարյանը

Հայրենիքի պաշտպանության համար մղվող մարտերում զոհվել են Արցախի Պաշտպանության բանակի հրամանատարի տեղակալ Արթուր Սարգսյանը և Արցախի հերոս, գնդապետ Սերգեյ Շաքարյանը։   

Գնդապետ Արթուր Սարգսյանը պաշտպանության նախարարի տեղակալ և պաշտպանության բանակի հրամանատարի տեղակալ էր նշանակվել 2020 թվականի հուլիսի 4-ին: Նա ղեկավարում էր անձնակազմի հետ աշխատանքը։

Գնդապետ Սերգեյ Շաքարյանը «Արցախի հերոս» կոչմանն արժանացել էր 2020 հոկտեմբերի 4-ին։

Շաքարյանը կասեցրել էր հակառակորդի բազմաթիվ տանկային ու հետևակային գրոհներ՝ հառակակորդին պատճառելով մեծ կորուստներ:

Ավելի վաղ Արցախի Պաշտպանության բանակը հրապարակել էր զոհված ևս 11 զինծառայողների անուններ։ Ցուցակում կան նաև Սերգեյ Շաքարյանի և Արթուր Սարգսյանի անունները։