ԱԱՏՄ ուժեղացված ստուգայցերը երկրորդ օրն է` Իջեւանում և Դիլիջանում են

Տնտեսավարողների մոտ անվտանգության կանոնները պահպանելու և կորանավիրուսային համավարակի տարածումը կանխարգելելու նպատակով արդեն  երկրորդ օրն է` ՀՀ առողջապահական և աշխատանքի տեսչական մարմնի մասնագետները ուժեղացված ստուգայցեր են իրականացնում Իջեւան և Դիլիջան քաղաքներում: 

Մասնագիտական խմբերը երեկվանից այստեղ հատված առ հատված դիտարկում են սահմանված նորմերի կատարումը: Հայտնաբերված որոշ թերությունների վերաբերյալ ԱԱՏՄ մասնագետները տեղում տալիս են նախազգուշացումներ և թերություններն անհապաղ շտկելու ցուցումներ, ինչպես նաև դիտարկումներին զուգահեռ կատարում են իրազեկման և բացատրական աշխատանքներ։

 Անվտանգության կանոններին հետևելու նպատակով ԱԱՏՄ-ն շարունակում է լայնածավալ վերահսկողություն իրականացնել հանրապետության բոլոր մարզերում և մայրաքաղաքի տարբեր վարչական շրջաններում։ 

 Հիշեցնենք, որ բոլոր այն տնտեսավարողների վերաբերյալ, որոնց մոտ ամենօրյա ռեժիմով ԱԱՏՄ  ստուգումների արդյունքում արձանագրվում են պարետի սահմանած անվտանգության կանոնների խախտումներ, կայացվում է կասեցման որոշում: