Փոխվարչապետ Մհեր Գրիգորյանը նոր խորհրդական ունի, իսկ Տիգրան Ավինյանի օգնականն ազատվել է աշխատանքից

Մանե Ադամյանը նշանակվել է Հայաստանի Հանրապետության փոխվարչապետ Մհեր Գրիգորյանի խորհրդական։ Փետրվարի 28–ի՝ փոխվարչապետի որոշումը հրապարակվել է Կառավարության պաշտոնական կայքում. հայտնում է Yerkir.am-ը:

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 14-րդ մասով՝ Մանե Ադամյանին նշանակել Հայաստանի Հանրապետության փոխվարչապետ Մհեր Գրիգորյանի խորհրդական»,– ասվում է որոշման մեջ։

Մեկ այլ որոշմամբ՝ փոխվարչապետ Տիգրան Ավինյանի օգնականն ազատվել է պաշտոնից։  Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 14-րդ մասով՝ Սուրեն Գալստյանին ազատել Հայաստանի Հանրապետության փոխվարչապետ Տիգրան Ավինյանի օգնականի պաշտոնից»,– ասվում է  որոշման մեջ։