Հաջորդ տարի Վլադիմիր Պուտինը Հայաստան կգա, Նիկոլ Փաշինյանն էլ ՌԴ կմեկնի

2019թ.-ին հայ-ռուսական հարաբերությունները աչքի են ընկել փոխվստահության խորացմամբ և դրական զարգացման դինամիկայով․ ըստ Yerkir.am-ի՝ նման տեսակետ է հայտնել քաղաքագետ Վարդուհի Հարությունյանը:

Տարվա ընթացքում եղել են բարձր մակարդակի բազմաթիվ փոխայցեր, հանդիպումներ:

«Հայաստանի վարչապետը անցնող տարվա ընթացքում հանդիպել է ՌԴ իր գործընկերոջ՝ նախագահ Վլադիմիր Պուտինի հետ: Կարևոր է Սերգեյ Լավրովի պաշտոնական այցը Երևան: Քննարկումները շարունակվել են նաև խորհրդարանական ձևաչափով, պաշտպանական գերատեսչությունների մակարդակով»,- ասել է քաղաքագետ Հարությունյանը:

2020 թ.-ին նախատեսված է ՀՀ վարչապետ Նիկոլ Փաշինյանի պաշտոնական այցը Մոսկվա,  Վլադիմիր Պուտինն էլ Հայաստան կայցելի:

«Տարվա ընթացքում ռուսական կողմից կարևոր ռազմատեխնիկա ենք ձեռք բերել՝ «Տոռ» զենիթահրթիռներ, Սու-30»,-նշել է Վարդուհի Հարությունյանը:

Ռուսաստանը Հայաստանին համարում է իր ռազմավարական դաշնակիցն ու տնտեսական թիվ մեկ գործընկերը՝ վստահեցրել է քաղաքագետը: