Այս պահին Երևանում sett-weather
Փոխարժեքներ 22 11 2024
USD ⚊ $ 389.76
EUR ⚊ € 406.4
RUB ⚊ ₽ 3.79
GBP ⚊ £ 488.37
GEL ⚊ ₾ 142.31
կարևոր
0 դիտում, 5 տարի առաջ - 2019-09-23 14:49
Հասարակություն

Ծիրանավառ գիշերների օրորը

Ծիրանավառ գիշերների օրորը

Սիրեցեք զիրար, շատ սիրեցեք, որպեսզի ապրեք

ԿՈՄԻՏԱՍ

 

Սեպտեմբերի 20-ին Կոմիտասի թանգարան-ինստիտուտում, Համազգային հայ կրթական և մշակութային միության Երևանի գրասենյակի նախաձեռնությամբ, տեղի ունեցավ «Ծիրանավառ գիշերների օրորը» խորագրով համերգային երեկոն՝  նվիրված Կոմիտասի ծննդյան 150-ամյակին։  Այս մասին հայտնում են Համազգային հայ կրթական և մշակութային միության Երևանի գրասենյակից: 

Ծրագրում ներկայացվեցին Կոմիտասի, Բարսեղ Կանաչյանի և Նիկոլ Գալանտերյանի ստեղծագործություններից։ Հանդես եկան օպերային երգիչներ Նարինե Անանիկյանը, Դիանա Հարությունյանը, Անդրանիկ Մալխասյանը և Հովհաննես Անդրեասյանը։ Համերգային երեկոյի կոնցերտմայստերն էր Երևանի Կոմիտասի անվան պետական կոնսերվատորիայի պրոֆեսոր Մարգարիտ Սարգսյանը։

Հոբելյանական հանդիսության մեկնարկին Կոմիտասի թանգարան-ինստիտուտի գիտական բաժնի ղեկավար Տաթևիկ Շախկուլյանի կողմից ներկայացվեց կոմիտասյան ժառանգության մասին զեկույց։

Կոմիտասյան գործերի կողքին Կոմիտասի աշակերտների՝ Բարսեղ Կանաչյանի և Նիկոլ Գալանտերյանի ստեղծագործությունների մատուցումը յուրատեսակ նախաձեռնություն էր հյոբելյանական միջոցառումների շրջանակում, քանի որ երկու կոմպոզիտորներն էլ աշակերտել են Կոմիտասին և նրան համարել հայ երգի ու երաժշտության գագաթը՝ մշտապես ոգեշնչված լինելով կոմիտասյան հանճարով։

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը