Քիմ Քարդաշյանն անդրադարձել է իր առողջական խնդիրներին

Օրերս հայտնի դարձավ, որ բժիշկները Քիմ Քարդաշյանի մոտ գայլախտի և ռևմատոիդ արթրիտի ախտանիշեր են հայտնաբերել, ինչի մասին առաջինը տեղեկացել է Keeping Up With The Kardashians իրապատում շոուի նոր եթերաշրջանի հանդիսատեսը:  Today հեռուստաշոուի շրջանակներում Քիմը մեկնաբանել է իր առողջական վիճակը: Գրում է  buro247.ru-ն:

«Ես զարմանահրաշ բժշկի եմ գտել, բժիշկ Ուոլեսին, որը պարզել է իմ խնդրի պատճառը: Ցավոք սրտի, ստիպված էի դեղամիջոցներ ընդունել ախտանշանների դեմ պայքարելու համար: Մենք գործողությունների ծրագիր ենք մշակել:

Այս պահին ամեն ինչ վերահսկողության տակ է, սակայն աուտոիմունային խնդիրներն իսկապես վախեցնող են: Մինչ վերջերս ես չէի էլ մտածում, որ հիվանդների շարքին կդասվեմ: Մտքեր են պտտվում գլխումս, ամենավատի մասին ես մտածում: Այդ ամենի պատճառով իսկապես հայտնվում ես ընկճված վիճակում: Ես դուրս եմ եկել այդ վիճակից, սակայն շատ էի վախեցել»,- ասել է Քիմը։

 Քարդաշյանը հավելել է, որ այս թեմայով ավելի մանրամասն կխոսի իրապատում շոուի նոր մասում: