Ստավրոպոլում խոշոր վթարի հետևանքով տուժածների մեջ կան ազգությամբ հայ ՌԴ քաղաքացիներ

ՌԴ-ում ՀՀ  դեսպանության ճշտած տվյալներով՝ ՌԴ Ստավրոպոլի երկրամասում տեղի ունեցած խոշոր վթարի հետևանքով տուժածների շրջանում կան ազգությամբ հայ ՌԴ քաղաքացիներ։

Համաձայն ստացված տեղեկատվության` տուժել է 1980թ․ ծնված հայազգի ՌԴ քաղաքացի Ե․Ա․ -ն ( գրանցված՝ ք․Վոլգոգրադ) և նրաերկու զավակները (ծնված՝ 2010թ․-ին և 2015թ․-ին):

Տուժած քաղաքացիները տեղափոխվել են Ստավրոպոլի երկրամասի Ապանասենկովսկիի շրջանային հիվանդանոց։

Հիշեցնենք, որ օգոստոսի 1-ի լույս 2-ի գիշերը, տեղի ժամանակով 02.30–ին սարսափելի վթար է տեղի ունեցել Ստավրոպոլում. բեռնատարի ու ուղևորատար ավտոբուսի բախման հետևանքով մահացել է 5 մարդ, տուժել` 18–ը։