Պուտինի գրաֆիկում Փաշինյանի հետ հանդիպում դեռ նախատեսված չէ. Պեսկով

Արդեն տեղեկացրել ենք, որ ՀՀ վարչապետ Նիկոլ Փաշինյանը հունվարի 25-ին կայցելի Մոսկվա: Նախատեսվում է ՀՀ վարչապետ Նիկոլ Փաշինյանի ելույթը Մոսկվայում՝ Եվրասիական տնտեսական միությունում 2019-ի նախագահությունը Ռուսաստանից Հայաստանին անցնելու կապակցությամբ:

Ինչ վերաբերում է ՌԴ նախագահի հետ հանդիպմանը, ապա РИА Новости-ն հայտնում է, որ ՌԴ նախագահի մամուլի խոսնակ Դմիտրի Պեսկովն ասել է, որ Վլադիմիր Պուտինի գրաֆիկում նման հանդիպում դեռ չկա:

«Որքանով ես գիտեմ, հանդիպում նախատեսված չէ: Դուք գիտեք, որ նրանք հաճախ են հեռախոսազրույց ունենում և հանդիպում: Ուրբաթ օրը բավականաչափ ծանրաբեռնված է, այդ պատճառով չգիտեմ` կլինե՞ն, արդյոք, փոփոխություններ: Դեռ նման շփումներ չեն համաձայնեցվել»,- ասել է նա: