Ադրբեջանցի հայտնի բլոգեր Մեհման Հուսեյնովի դեմ քրեական գործը դադարեցվել է

Ադրբեջանցի հայտնի բլոգեր Մեհման Հուսեյնովի  դեմ քրեական գործը դադարեցվել է: Այդ մասին haqqin.az-ին հայտնել են երկրի գլխավոր դատախազությունից:Դա արվել է` հաշի առնելով այն հանգամանքները, որ նրա խնամքին է մեծահասակ հայրը, որ նրա հանցանքը ծանր չէ, և նա սպառնալիք չէ հասարակության համար:

Երեկ Հուսեյնովը նամակով դիմել էր Ադրբեջանի նախագահ Իլհամ Ալիևին` նշելով, որ ինքն անմեղ է և չի հարվածել  բանտի աշխատակցին:

Հուսեյնովի կալանքի ժամկետն ավարտվում էր մարտի 2-ին (նա կալանավորվել էր ոստիկանությանը զրպարտելու մեղադրանքով), սակայն նրան նոր մեղադրանք էր առաջադրվել:

Նշենք նաև, որ իրավապաշտպանները կոչ էին արել Ալիևին` ազատ արձակել բլոգերին: