Լևոն Շիրինյանը կգլխավորի Հայաստանի Քրիստոնեա-ժողովրդավարական կուսակցության ցուցակը

Հայաստանի Քրիստոնեա-ժողովրդավարական կուսակցության համամասնական ցուցակի առաջին եռյակն արդեն հայտնի է: Yerkir.am-ի հետ զրույցում կուսակցության նախագահ Լևոն Շիրինյանը  նշեց, որ հենց ինքն էլ գլխավորում է ցուցակը։  Ցուցակի երկրորդ համարն է լրագրող Մարիամ Մանուկյանը, իսկ երրորդը՝ կիբերնետիկ Գևորգ Հովսեփյանը։

«Քաղաքացի', պաշտպանիր հեղափոխության իդեալները», «Գիտաարդյունաբերական և մշակութային Հայաստան». այս կարգախոսներով է կուսակցությունը մասնակցելու ԱԺ արտահերթ ընտրություններին:

«Մեր տնտեսական պլատֆորմի հիմքը կլինեն սոցիալական, շուկայական, տնտեսական բարեփոխումները: Հարուստներ, այո, պետք է լինեն Հայաստանում, բայց ոչ` օլիգարխներ: Աղքատներ չպետք է լինեն Հայաստանում»,- ասաց Շիրինյանը: