Դիլիջանի թունելը արդեն բաց է

Սեպտեմբերի 29-ին, ժամը 11:14-ին «911» ծառայությանը տեղեկություն է հաղորդվել, որ Դիլիջանի թունելում այրվում է բեռնատար ավտոմեքենայի շարժիչի հատվածը. անհրաժեշտ է օգնություն:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից երեք մարտական հաշվարկ:

Հրդեհը մեկուսացվել է ժամը 13:26-ին, մարվել՝ 14:00-ին:

Իրականացվում են հետհանգեցման աշխատանքներ:

Պարզվել է, որ Իջևան-Երևան ավտոճանապարհի 53-րդ կմ-ին՝ Դիլիջան-Սևան թունելի սկզբնամասում, ամբողջությամբ այրվել են «MAN» մակնիշի բեռնատար ավտոմեքենան (վարորդը՝ Բոբկով Անդրեյ Միխայիլովիչ, Բելառուսի քաղաքացի) և կենցաղային տեխնիկայով բեռնված կցորդը: 

Հրդեհի հետևանքով տուժածներ չկան:

Դիլիջանի թունելը բաց է: