Ռոբերտ Քոչարյանը կալանավորվեց

Երևանի ընդհանուր իրավասության դատարանը հրապարակեց  ՀՀ երկրորդ նախագահ Ռոբերտ Քոչարյանի կալանավորման միջնորդության վերաբերյալ որոշումը:

Եվ այսպես` Ռոբերտ Քոչարյանի հանդեպ որպես խափանման միջոց կալանավորման որոշում է ընդունվել։ Այդ մասին լրագրողների հետ զրույցում ասաց Ռոբերտ Քոչարյանի փաստաբան Արամ Օրբելյանը: Քոչարյանը կալանավորվեց երկու ամսով: 

 Հիշեցնենք, որ երեկ Ռոբերտ Քոչարյանը հրավիրվել էր ՀՀ հատուկ քննչական ծառայություն՝ Մարտի 1-ի գործով, որպես վկա հարցաքննվելու: Ավելի ուշ, երկրորդ նախագահին մեղադրանք առաջադրվեց ՀՀ քրեական օրենսգրքի 300.1-ին հոդվածի 1-ին մասով՝ այն բանի համար, որ նա, այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը: Ռոբերտ Քոչարյանը «Երկիր Մեդիա» հեռուստաալիքին տված հարցազրույցում հայտարարել է, որ իրեն առաջադրված մեղադրանքը շինծու է: