Մեդվեդևը շնորհավորել է Սերժ Սարգսյանին

ՌԴ վարչապետ Դմիտրի Մեդվեդևը շնորհավորել է Սերժ Սարգսյանին վարչապետի պաշտոնում ընտրվելու կապակցությամբ: Այդ մասին հայտնում է ռուսական կառավարության մամուլի ծառայությունը:

Մեդվեդևը հույս է հայտնել, որ այդ պաշտոնում Սարգսյանը կշարունակի առաջնահերթ ուշադրություն հատկացնել երկկողմ համագործակցության զարգացմանը, տարբեր ոլորտներում համատեղ նախաձեռնությունների ու նախագծերի առաջխաղացմանը և ԵԱՏՄ շրջանակում ինտեգրացիոն փոխգործակցության խորացմանը:

«Դա լիովին համապատասխանում է Ռուսաստանի և Հայաստանի շահերին»,- ասել է նա:

Մեդվեդևը նաև ընդգծել է Սարգսյանի անձնական ներդրումը ռուս-հայկական բարեկամական, գործընկերական և դաշնակցային հարաբերությունների զարգացման գործում: