Մանկապարտեզ ներխուժած տղամարդու կինն աշխատում է այնտեղ. մեկ երեխա է պատանդ վերցվել. մանրամասներ

Տեղեկացրել էինք, որ մի տղամարդ ներս է մտել Արմավիրի Բաղրամյան փողոցում գտնվող «Մանուշակ» մանկապարտեզ, որտեղ պատանդ է վերցրել աշխատակիցներին և երեխաներին:

Yerkir.am-ի տեղեկություններով՝ տղամարդը մանկապարտեզի աշխատակիցներից մեկի ամուսինն է: Թե ինչի համար է վերջինս մտել մանկապարտեզ՝ պարզ չէ, սակայն կնոջը հաջողվել է փախչել: Այս ընթացքում տղամարդը բաց է թողել մանկապարտեզում գտնվողներին, բացի մեկ երեխայի:

Ի դեպ, Արմավիրի բուժկենտրոնից Yerkir.am-ին տեղեկացրին, որ իրենց մոտ որևէ տուժած չի տեղափոխվել: 

Հիշեցնենք, որ ոստիկանության մամուլի բաժնից Yerkir.am-ին տեղեկացրեցին, որ «Մանուշակ» մանկապարտեզից ահազանգ է ստացվել այն մասին, որ մի տղամարդ ներս է մտել մանկապարտեզ և դանակով հարձակվել իրենց վրա:

Այս պահին ոստիկանները փորձում են բանակցությւոններ վարել տղամարդու հետ, որպեսզի վերջինս բաց թողնի պատանդներին: