Փարպիի ընտրատեղամասում լույսերն անջատվել են. խախտումները չեն դադարում

Արագածոտնի մարզի Փարպի գյուղում տեղակայված թիվ 17/21 ընտրատեղամասում առավոտից կուտակումներ են, ամբողջ օրը ընտրատեղամասում լարված է եղել: Փարպիից  Yerkir.am-ի լրագրողը հայտնում է, որ միմյանց փոխարեն քվեարկության 30 դեպք է գրանցվել: «Իրավական մշակույթի զարգացման ինստիտուտ» ՀԿ-ն ներկայացնող դիտորդ Արմեն Դավթյանը ընտրողների հետ մտնում է քվեախցիկ: Yerkir.am-ի լրագրողի դիտողությունից հետո հանձնաժողովի նախագահ Ռաֆիկ Սարիբեկյանը կոչ է արել քվեարկողներին` դուրս գալ, որպեսզի կուտակումներ չլինեն:

Նշենք, որ այս տեղամասում դիտորդներից մեկը փորձել է գրանցամատյանում նշում կատարել, սակայն նրան թույլ չեն տվել:

Մեր թղթակիցը հաղորդում է, որ այս պահին հիշյալ ընտրատեղամասում էլեկտրականությունն անջատված է, թե երբ կվերականգնվի, հայտնի չէ:

Ի դեպ, հիշյալ տեղամասում ժամը 17:00-ի դրությամբ մասնակցության ակտիվ ցուցանիշ է արձանագրվել. 1720 ընտրողից քվեարկությանը մասնակցել է 1055-ը: