Փարիզում ոստիկանությունն արցունքաբեր գազ է կիրառել ցուցարարների դեմ

Փարիզում ոստիկանության աշխատակիցներն արցունքաբեր գազ են կիրառել ցուցարարների դեմ, որոնք բողոքի ակցիայի են դուրս եկել Թեո անունով երիտասարդին բերման ենթարկելու ժամանակ իրականացված գործողությունների համար: Այս մասին հաղորդում է France Press-ը:

Աղբյուրը մանրամասնում է, որ ակցիան անցկացվել է Փարիզի արվարձաններից մեկում: Փողոց է դուրս եկել մոտ 2 հազար մարդ` պահանջելով «Արդարություն Թեոյի համար»:

Նշվում է, որ ցուցարարները բերել են «Ոստիկանությունը սպանում է անմեղ մարդկանց» և «Ոստիկանական բռնաբարություն» գրություններով պաստառներ:

Գործակալության տվյալների համաձայն` ցուցարարները տարբեր առարկաներ են նետել ոստիկաննների և շենքերի ուղղությամբ, ինչպես նաև ավտոմեքենաներ, խանութներ և կանգառ վնասել: