Բակո Սահակյանն ընդունել է Բելգիայի Դաշնային և Բրյուսելի շրջանային խորհրդարանների մի խումբ պատգամավորների

Արցախի Հանրապետության Նախագահ Բակո Սահակյանը սեպտեմբերի 3-ին ընդունել է Բելգիայի Դաշնային և Բրյուսելի շրջանային խորհրդարանների մի խումբ պատգամավորների. տեղեկացնում է Արցախի Հանրապետության Նախագահի աշխատակազմի տեղեկատվության գլխավոր վարչությունը։
Քննարկվել են երկու երկրների միջև խորհրդարանական կապերի զարգացմանն առնչվող հարցեր:
Նախագահ Սահակյանը կարևորել է Բելգիայի խորհրդարանականների այցը մեր երկիր` ԼՂՀ հռչակման 25-րդ տարեդարձի տոնական միջոցառումների շրջանակներում՝ նշելով, որ Արցախում բարձր են գնահատում անկեղծ և անշահախնդիր բարեկամությունը` այն դիտարկելով որպես մեր հաջողությունների առանցքային բաղադրամասերից մեկը: