Արցախում հպարտ են այն միասնությամբ, որը կա մեր հանրության ու քաղաքական ուժերի միջև

Այսօր ԱԺ հերթական քառօրյա նիստում ԱԺ նախագահի տեղակալ Էդուարդ Շարմազանովը հայտնեց, որ հեռախոսազրույց է ունեցել ԼՂՀ ԱԺ նախագահ Աշոտ Ղուլյանի և ԼՂՀ վարչապետ Արայիկ Հարությունյանի հետ, ովքեր իրենց երախտագիտությունն են հայտնում Հայաստանի բոլոր քաղաքացիներին, քաղաքական ուժերին միասնականության և Արցախին աջակցելու համար:

«Իրավիճակը ղարաբաղա-ադրբեջանական սահմանին գտնվում է Արցախի զինված ուժերի վերահսկողության ներքո: Բազմաթիվ պատգամավորներ ու քաղաքացիներ ցանկանում են օժանդակություն ցուցաբերել արցախահայությանը, Արցախի կառավարությունը արդեն ստեղծել է նման շտաբ, որն ընդունում է օժանդակությունը, «Արցախբանկ»-ում էլ ստեղծվել է հաշվեհամար: Շատ պատգամավորներ արդեն ֆինանսական ու պարենային օգնություն են ուղարկել: Արցախում հպարտ են այն միասնությամբ, որը կա մեր հանրության ու քաղաքական ուժերի միջև»,- ասաց ԱԺ փոխխոսնակը: