Պատկերացրեք` ինչ մարդ էր` 28 տարեկան ու արդեն հրամանատար. զոհված զինծառայողը հետմահու պարգևատրվել է

Մատաղիսում կռվի ժամանակ զոհվել էր նաև կապիտան Հովսեփ Կիրակոսյանը: Նա Արմավիրի մարզի Ապագա գյուղից էր: Yerkir.am-ի հետ զրույցում Ապագայի գյուղապետ Արտաշես Բարսեղյանը հայտնեց, որ Կիրակոսյանը 28 տարեկան էր, ամուսնացած:

«Երկու անչափահաս երեխա ունի: Ընտանիքը, բնականաբար, նրա հետ Մատաղիսում էր ապրում: Կռիվների ժամանակ ես էլ այնտեղ եմ եղել, նրա ընտանիքին հետս մեր գյուղ եմ բերել: Այստեղ հայրական տուն ունեն, ընտանիքը երևի այստեղ էլ կապրի` տղայի հոր ու մոր հետ: Պատշաճ մարդ էր, նորմալ ընտանիքի զավակ: Դե, պատկերացրեք` ինչ մարդ էր` 28 տարեկան ու արդեն հրամանատար»,-ասաց գյուղապետը:

Նա տեղեկացրեց նաև, որ ԼՂՀ նախագահ Բակո Սահակյանը հետմահու պարգևատրվել է Հովսեփ Կիրակոսյանին: