Բակո Սահակյանը լրագրողներին է ներկայացրել սահմանին տիրող իրավիճակը

Այսօր ԼՂՀ նախագահ Բակո Սահակյանը հանդիպել է Արցախում գտնվող հայաստանյան լրատվամիջոցների մի շարք ներկայացուցիչների հետ: Ինչպես Արցախից տեղեկացնում է Yerkir.am-ի թղթակիցը, ԼՂՀ նախագահը հակիրճ ներկայացրել է իրավիճակը սահմանին, ըստ նրա, հարձակումը սկսվել է գիշերը ժամը 3-ի սահմաններում` հրետակոծությամբ: «Հակառակորդը կիրառել է ծանր զինտեխնիկա, այդ թվում նաեւ տանկեր: Ադրբեջանական կողմը գրավել է մի քանի մարտական դիրքեր, բայց հետո արդեն հետ է շպրտվել` տալով բազում զոհեր»,-ասել է նախագահը: ԼՂՀ նախագահը նշել է նաեւ, որ ԼՂՀ ՊԲ-ն տիրապետում է իրավիճակին: «Զոհերի քանակը, դժվարությունները մեզ չեն զրկում մեր բուն նպատակին հասնելուց: Ցավ ապրել` չի նշանակում զրկվել համառությունից»,- ասել է Բակո Սահակյանը: