Մենք մասնակցելու ենք ԼՂ հակամարտության լուծմանը. Գերմանիայի ԱԳՆ

Գերմանիան ստանձնում է ԵԱՀԿ ղեկավարությունը դժվարին ժամանակահատվածում: Այդ մասին ասված է Գերմանիայի արտգործնախարար Ֆրանկ-Վալտեր Շտայնմայերի հայտարարության մեջ. հայտնում է ТАСС-ը:

«Ահաբեկչությունը Ստամբուլում, ճգնաժամը Մերձավոր Արևելքում և հակամարտությունն Ուկրաինայի արևելքում ցույց են տալիս, որ Գերմանիան ԵԱՀԿ-ի նախագահությունը ստանձնել է բարդ ժամանակահատվածում: Ես վստահ եմ, որ հենց այժմ մենք ունենք  ԵԱՀԿ-ի կարիքը՝ որպես երկխոսության և վստահության ստեղծման հարթակի»,- ասվում է հայտարարության մեջ:

Նշվում է, որ Գերմանիան մտադիր է ամրապնդել ԵԱՀԿ-ի հնարավորությունները հակամարտությունների լուծման հարցում: Ուշադրության կենտրոնում կլինի ուկրաիանական ճգնաժամը:

«Մենք նաև մասնակցելու ենք Լեռնային Ղարաբաղում, Մերձդնեստրում և Հարավային Կովկասում հակամարտությունների լուծմանն ու  ակտիվացնելու ենք ԵԱՀԿ առաքելությունները տեղերում»,- նշվում է հայտարարության մեջ: