«Ոչ թալանին» շարժման ժամանակ ականատես եղանք իր վարքի համար պատասխանատու քաղաքացու կերտմանը

Այսօր ԱԺ ՀՀԿ խմբակցության պատգամավոր Խոսրով Հարությունյանը, խոսելով «Ոչ թալանին» նախաձեռնության պայքարի մասին, լրագրողներին կարծիք հայտնեց, որ այդ շարժումը վերաբերում էր սոցիալական ոլորտին, էությամբ քաղաքական էր,  բայց ոչ` կուսակցական, ինչն այդ շարժման առավելությունն էր: Ըստ պատգամավորի` բավական էր, որ որևէ քաղաքական կուսակցություն մասնակցեր այդ շարժմանը, և այն կկորցներ իր էությունը:

«Այդ շարժման ժամանակ մենք ականատես եղանք նորանկախ Հայաստանի քաղաքացու ձևավորման գործընթացին, որն, ի դեպ, պատասխանատու քաղաքացի է. այն, որ ցույցի հաջորդ օրը նրանք մաքրում էին փողոցը, սա նշանակում է, որ պատասխանատվություն էին զգում իրենց վարքի համար, իսկ դա շատ կարևոր հատկանիշ է: Բացի այդ` մենք  ականատեսն ենք հանրային օրգանիզմի առողջացման կարևոր պրոցեսին, հետևաբար, ամեն մեկս պետք է աջակցենք այդ առողջացման պրոցեսին, աջակցենք խնդիրների լուծմանը»,- ասաց Խոսրով Հարությունյանը: