Բարձրահարկից ցած նետվել սպառնացող Եղիշեին տարան ոստիկանություն

Քիչ առաջ բարձրահարկից ցած նետվել սպառնացող Եղիշե Գևորգյանը բանակցություններից հետո կնոջ հետ ցած իջավ, ինչից հետո նրանց տեղափոխեցին ոստիկանություն: Այս մասին հայտնում է yerkir.am-ի լրագրողը:

Հիշեցնենք, որ Yerkir.am-ի հետ զրույցում տանիքին գտնվող կնոջ՝ Ռուզաննա Գևորգյանի մայրը՝ տիկին Գայանեն, հայտնեց, որ փեսան այդ քայլին է դիմել իրենց հարևանի՝ Սերիկի պատճառով, ով ցանկանում է շենքի բակում գտնվող տարածքում խանութ կառուցել:

Yerkir.am-ի հետ զրույցում պարոն Սերիկը նշեց, որ այդ խանութը վաղուց է կառուցվել` մինչ Գևորգյանների ընտանիքի Ադրբեջան գնալը:

Շենքի բնակիչների հետ զրույցում մեր թղթակիցը տեղեկացել է, որ իրենց շենքի բակում գտնվող հողատարածքները տրամադրվել են շենքի բնակիչներին անժամկետ:

Կենտրոնի թաղապետ Արա Սադոյանը Եղիշեին խոստացել էր բավարարել նրա պահանջը, ինչից հետո էլ տղամարդը ցած էր իջել: