Առեւտրականների բողոքի ակցիան` ՀՀԿ-ի` Գյումրու գրասենյակի առջեւ. ԳԱԼԱ-ի ուղիղ միացումը

ԳԱԼԱ-ն տեղեկացնում է, որ Շիրակի մարզպետի հետ հանդիպումից հետո առեւտրականները հայտնել են, որ Ֆելիքս Ցոլակյանը նրանց ընդամենը առաջարկել է դժգոհություններն ու պահանջները ձեւակերպել գրավոր եւ ներկայացնել մարզպետարան, որպեսզի հետո ներկայացնեն ՀՀ կառավարությանը:

««Իրենք չգիտեն ոնց պատասխանեն, ուզում են մեր բողոքը տանեն կառավարություն, ինչի՞, կառավարությունում չգիտե՞ն ինչ ենք ուզում, ինչի համար ենք պայքարում», – դժգոհեցին առեւտրականները: Այնուհետեւ նրանք քաղաքի գլխավոր փողոցներով վանկարկումներով հասան ՀՀԿ Գյումրու գրասենյակ: Գրասենյակից դուրս եկավ ՀՀԿ-ական պատգամավոր Սուքիաս Ավետիսյանը:

Ներկայումս գյումրեցի առեւտրականները նրան են ներկայացնում իրենց խնդիրները եւ պահանջում շուտափույթ լուծում»,- հայտնում է ԳԱԼԱ-ն:

Մանրամասն` սկզբնաղբյուրում: